Оригінал інтерв’ю Брауна Ідейє — що він сказав?

Автор avtor Дата 03.01.2014 в 15:41 | Раздел Главное, Европа, Франция | 1 мнение

Supa Eagus strika, Brown Ideye don sit down jeje follow we amebo for supersport.com yan say hin wan kommot for hin club for Yankee wey be Dynamo Kyiv.

Na June 30 2011 na hin de Naija man carry him bag kommot for Sochaux join Kyiv, and de guyman don waya 31 gols for de 2 season wey hin don take tap ball for dem.

Na DR Congo strika, Dieumerci Mbokani wey juss join de Kyiv na hin kon pour sand for Ideye garri as de coachi for de club no wan gree look hin face again for dis season.

Ideye kon tok say e go beta well well make hin kommot for de club as de yawa wey hin eye dey see don tire am.

“Bros, e be like say time don reach make I kommot for dis club becos de kind gbege wey dey hapin for hia no be moi moi.
“Na 12 gols na hin I pump for dem for my fess season, bifor I kon waya 17 lass season, and de coachi sef know say I fit do am, but as de man no wan gree give me de chance again, e mean say I dey waka be dat,”. naso Ideye tok

Mbokani wey carry Ideye put for bench don way 8 gols dis season inside 17 games for Dynamo Kyiv, but na only 2 gols na hin Ideye don manage score dis season.

“How de guy no go score pass me now wen hin dey tap ball everytime for de club and na bench na hin me dey take sit down.

“Na bad thin na hin dis club dey do me becos Mbokani no get mouth pass me at all for any level, but de club wan dey use am becos of de kind money wey dem take buy am.

“Haba! me wey don win de Nations cup, and I even follow Naija go tap ball for de 2013 Fifa confederation cup as I even dey eye dis year world cup for Brazil, but Mbokani no get anything.

“I don suffa for Dynamo K

yiv, and no be me na hin suppose dey see dis kind kasala becos na de gol wey I score for dem lass season na hin helep dem kwalify for de champions League,” Ideye tok

Meanwhile, Ideye don wia de Supa Eagus jersy 23 times and na 5 gols na hin de guy don score for Naija.


Loading...

Об -

Комментарии:

Оставить комментарий

Вы можете использовать теги: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>